FILTERS


PRICE

OTHERS
Sort By:

Translate Book

စည်သူကျော် မြန်မာပြန်ဆိုသည် တော်လှန်မှုများထဲက ဗမာပြည်
10000 Ks
Item Code

စည်သူကျော် မြန်မာပြန်ဆိုသည်

တော်လှန်မှုများထဲက ဗမာပြည်

စာအုပ်တန်ဖိုး - ၁၀ဝ၀ဝ ကျပ်

ပို့ခ - Free

------------------------------------------------

ဘားတဲလ် လစ်တနာလို့ ပြောလိုက်တာနဲ့မြန်မာနိုင်ငံနဲ့ ပတ်သက်တဲ့ ဆောင်းပါးပေါင်း မြောက်မြားစွာ ရေးသားခဲ့သူအဖြစ် အားလုံး သိကြမှာဖြစ်ပါတယ်။ ယခုစာအုပ်ကလည်း ဘားတဲလ်လစ်တနာ ရေးထားတဲ့ စာအုပ်တွေထဲက တစ်အုပ်ကို ဘာသာပြန်ထားခြင်းဖြစ်ပါတယ်။

ဒီစာအုပ်ဟာ တိုင်းရင်းသား လက်နက်ကိုင်တော်လှန်ရေးများ အကြောင်း အသေးစိပ်ရေးသားဖော်ပြထားတာဖြစ်ပြီး၊ မြန်မာပြည်က တိုင်းရင်းသား လက်နက်ကိုင် အဖွဲ့တွေရဲ့ ပုန်ကန်မှုတွေရဲ့ ရာဇဝင်၊ ဘိန်းနဲ့ မူးယစ်ဆေးဝါး အများအပြား ပေါ်ပေါက်လာရခြင်း စတာတွေကို အပြည့်စုံဆုံးရေးသားထားတဲ့ BURMA IN REVOLT ဆိုတဲ့ ဘားတဲလ်ရဲ့ စာအုပ်ကို စည်သူကျော်က မြန်မာပြန်ဆိုထားခြင်းဖြစ်ပါတယ်။


........... ကိုးကန့် ဒေသတွင်လည်း ကိုးကန့်စော်ဘွား၏ နှမတော် အောလစ်ဗ် ယန် (ယန်ကျင်ရှု)ကို သိမ်းသွင်း စည်းရုံးနိုင်ခဲ့သည်။ ယောကျာ်းဆန်သည့် အောလစ်ဗ် သည် အသက် နှစ်ဆယ် စွန်းစွန်း အရွယ်တွင်ပင် ကိုယ်ပိုင် စစ်တပ်ကို ဖွဲ့စည်းနိုင်ခဲ့ပြီး ထိုတပ်ဖွဲ့သည် နောက်ပိုင်းတွင် ကူမင်တန် တပ်များ ၏ အရံ တပ်ဖွဲ့ ဖြစ်လာခဲ့သည်။

ထီးနန်းဆန်သော ရှမ်းမိသားစု အနွယ်အဆက်မှ ဆင်းသက်လာသည့် အောလစ်ဗ်သည် လားရှိုးမှ နာမည်ကျော် ခရစ်ယာန် သီလရှင်ကျောင်းတွင် ပညာသင်ခဲ့ပြီး “ခြေသလုံးမွှေးတွေနဲ့ ကောင်မလေး” ဟု လူသိများ ခဲ့သည်။ ထူးထူးခြားခြား ယောကျာ်းဆန်၍ ကြမ်းတမ်းသော အောလစ်ဗ်နှင့် မကစားရန် အတန်းဖော်များ၏ မိဘများက တားမြစ်ကြပြီး “သူ့အနား သိပ်မကပ်နဲ့။ သူ့ကျောင်း လွယ်အိတ်ထဲမှာ ခြောက်လုံးပူး သေနတ် ပါတယ်” ဟု သတိပေး ပြောဆိုခဲ့ကြသည်။ သို့သော် အောလစ်ဗ်၏ ကျောင်းပညာရေး ပြီးဆုံးသွားသည့်အခါ ကျောင်းလွယ်အိတ်ထဲ သေနတ် ဖွက်ထားရန် မလိုတော့ပါ။ ကာကီရောင် စစ်ဝတ်စုံ ဝတ်ဆင်ထားကာ ဘယ်လ်ဂျီယမ်လုပ် ပစ္စတိုနှစ်လက်ကို ခါးတစ်ဖက် တစ်ချက်စီတွင် ချိတ်ထားပြီး ကိုးကန့်ဒေသ မြို့တော် တာရွှေထန်၏ ကျောက်ခင်းလမ်းမများထက် သွားလာ လှုပ်ရှား နေသော အောလစ်ဗ်ကို များမကြာမီ မြင်တွေ့ကြရတော့သည်။ ထို့ပြင် ကူမင်တန်တပ်များ သည်လည်း အောလစ်ဗ်၏ အကူအညီဖြင့် မော်စီတုန်း၏ နာမည်ကျော် ကွန်မြူနစ် ပြည်သူ့လွတ်မြောက်ရေး တပ်မတော်ကြီးကို ရင်ဆိုင် တိုက်ခိုက်ရန် အဆင်သင့် ဖြစ်နေကြချေပြီ။ pg-163


....... လော်စစ်ဟန် အသက် ၂၁ နှစ် အရွယ်သို့ ရောက်လာသောအခါ လက်နက်များ၊ မိန်းကလေးများနောက် ကောက်ကောက်ပါအောင် လိုက်ကာ လေလွင့် မျောပါနေခဲ့သည်။ ထို့ပြင် လော်စစ်ဟန်သည် ဘိန်းကိုလည်း လက်လီစိတ် ရောင်းချခဲ့သော်လည်း အစ်ကို ဖြစ်သူ လော်စစ်ကိုမှာ ကိုးကန့် ရဲအဖွဲ့ စုံစမ်း စစ်ဆေးရေး အရာရှိချုပ် ဖြစ်နေခြင်းကြောင့် ၎င်း၏ လုပ်ငန်းကို မည်သူ တစ်ဦး တစ်ယောက်ကမှ တစုံတရာ ဝင်ရောက် စွက်ဖက် တားဆီး ဟန့်တားမှု မပြုနိုင်ရာ လော်စစ်ဟန်အတွက် မုန့်ဖိုး သဘောမျိုး ရရှိနေခဲ့လေသည်။ ထို့နောက် လော်စစ်ဟန် သည် အောလစ်ဗ် ယန်၏ ကိုယ်ပိုင် စစ်တပ်ထဲသို့ ဝင်ရောက်ခဲ့ပြီး “လော်စစ်ဟန်က အောလစ်ဗ် ယန်ရဲ့ နောက် နှစ်လှမ်း သုံးလှမ်း အကွာကနေ ငါးသုံးလုံး စီးကရက် ထည့်ထားတဲ့ သံဘူးကို ကိုင်ပြီး အမြဲ လိုက်နေလေ့ရှိတယ်။ အောလစ်ဗ် ဆေးလိပ် သောက်ချင်လာပြီလို့ သူထင်တာနဲ့ သံဘူးကို ဖွင့်ပြီး အောလစ်ဗ်ကို ဆေးလိပ် ကမ်းပေးလေ့ရှိတယ်” ဟု ကိုးကန့် ဇာတိဖွား ယန်ကျန်ဆွေ ခေါ် ပီတာယန်က ပြောပြခဲ့သည်။ pg-296

ရဲနောင်(ဘာသာပြန်သည်) အာဏာရှင် ဦးသန်းရွှေ၏ မြန်မာပြည်
3500 Ks
Item Code

ရဲနောင်(ဘာသာပြန်သည်)

အာဏာရှင် ဦးသန်းရွှေ၏ မြန်မာပြည်

စာအုပ်တန်ဖိုး+ပို့ခ=၃၅၀ဝ ကျပ်

------------------------------------------------


Diane Zehler ရေးသားထားသည့် Dictatorships Than Shwe's Burma စာအုပ်ကို ရဲနောင်က ဘာသာပြန်ထားခြင်းဖြစ်ပါသည်။

၂၀ဝ၇ ရွှေဝါရောင် တော်လှန်ရေးနှင့်ဦးသန်းရွှေခေတ်က ပြည်သူများအကြောင်း၊ စစ်အစိုးရခေတ် ရဲ့ရန်သူတော်အကြောင်း၊ စစ်သားအဖြစ်အဓမ္မသိမ်းသွင်းခံရတဲ့ကလေးစစ်သားများအကြောင်း၊ စစ်အစိုးရခေတ်နိုင်ငံတကာဆက်ဆံရေးများ အကြောင်း စသဖြင့် ဦးသန်းရွှေခေတ် မြန်မာနိုင်ငံအကြောင်းများကို မှတ်တမ်းဓာတ်ပုံ များစွာဖြင့် ဖော်ပြထားသော စာအုပ်ဖြစ်ပါသည်။

နိုင်ဦး ဗမာပြည်ခေါင်းဖြတ်မုဆိုး
3500 Ks
Item Code

နိုင်ဦး

ဗမာပြည်ခေါင်းဖြတ်မုဆိုး

စာအုပ်တန်ဖိုး+ပို့ခ=၃၅၀ဝ ကျပ်

----------------------------------------

အရှေ့တောင်အာရှဒေသ လူမျိုးစုကြီးတွေထဲမှာ 'ဝ' လူမျိုးတွေ ပါပါတယ်။ သူတို့တွေထဲမှာ ခေါင်းဖြတ်မုဆိုးတွေဟာ အင်မတန်ကြမ်းကြုတ် ရက်စက် ပြီး ထူးခြားတဲ့ယဉ်ကျေးမှုရှိတာကြောင့် သူတို့ကို ခေါင်းဖြတ်အရိုင်းအစိုင်း တွေအဖြစ် တရုတ်တွေက ရည်ညွှန်းလေ့ရှိပါတယ်။

------------------------------------------

ခေါင်းဖြတ်ခြင်းမူလအစနဲ့ပတ်သတ်ပြီး 'ဝ' ဒေသနေရာတော်တော် များများမှာ ပြောနေကြတဲ့စကားပုံတွေရှိပါတယ်။ အများစုလက်ခံထားတဲ့ ဒဏ္ဍာရီတစ်ခုက ဒီလိုဆိုပါတယ်။ 'ဝ' အမျိုးသားတစ်ယောက်ဟာ တရုတ် ရွာသွားပြီး မျိုးစပါးဝယ်ပါတယ်။ 'ဝ' ဒေသ သယံဇာတကြွယ်ဝမှုကို မနာလို ဖြစ်နေတဲ့ တရုတ်က 'ဝ' ပျက်စီးရာပျက်စီးကြောင်း အကြံနဲ့ မျိုးစပါးတွေကို ပြုတ်ပြီးမှရောင်းလိုက်ပါတယ်။

တရုတ်ရဲ့ယုတ်မာမှုကိုမသိရှာတဲ့ 'ဝ' ဟာ ပြန်ရောက်လာပြီး စပါးစိုက် ပါတယ်။ စပါးစေ့တွေအပင်မပေါက်တာကြောင့် 'ဝ' အမျိုးသားဟာ ကွင်းပိုင်နတ်ကိုမေးတော့ ဒါဟာ တရုတ်လက်ချက်ဖြစ်ကြောင်း၊ စပါးတွေ အပင်ပေါက်ပြီးအောင်အောင်မြင်မြင်ဖြစ်ချင်ရင် တရုတ်တွေကို သတ်၊ သူတို့ခေါင်းနဲ့ ယစ်ပူဇော်မှသာဖြစ်နိုင်ကြောင်း ကွင်းပိုင်နတ်က 'ဝ' အမျိုးသားကို ညွှန်ကြားလိုက်ပါတယ်။အဲ့ဒီလိုနဲ့ နောက်တစ်နေ့မှာ.......

------------------------------------------

ခေါင်းဖြတ်ခံရတဲ့သူဟာ အနိမ့်ဆုံးဆန်အိတ်တစ်အိတ်ခိုးမှုကနေ လူသတ်မှု၊ မုဒိမ်းမှု ကျူးလွန်သူတွေပါ ပါတယ်။ အဲ့ဒီကာလက သူတို့မှာ တရားစီရင်ရေးစနစ် မရှိပါဘူး။ စော်ဘွားတစ်ယောက်စိတ်ဆိုးလို့ဖြစ်စေ၊ အလိုမကျရင်ဖြစ်စေ အဲ့ဒီလူဟာ အကြောင်း တစ်ခုခုနဲ့ ခေါင်းဖြတ်ခံရဖွယ်ရှိပါတယ်။...


စတဲ့ 'ဝ' ဒေသ အတွင်းက ခေါင်းဖြတ်ပွဲများနှင့် စိတ်ဝင်စားစရာအဖြစ် အပျက်များကိုရေးသားထားသည့်စာအုပ်တစ်အုပ်ဖြစ်ပါသည်။

Burma Books စာအုပ်တိုက်က ထုတ်ဝေထားပြီး Burma Headhunters

by Harold Mason Young စာအုပ်ကို နိုင်ဦီးက ဘာသာပြန်ထားခြင်း ဖြစ်ပါသည်။

ထက်ဝန သုညဘဝမှ ကမ္ဘာကျော်ခဲ့သော အနုပညာရှင်များ
5500 Ks
Item Code

ထက်ဝန

သုညဘဝမှ ကမ္ဘာကျော်ခဲ့သော အနုပညာရှင်များ

စာအုပ်တန်ဖိုး+ပို့ခ=၅၅၀ဝ ကျပ်


သုညဘဝကစခဲ့ကြတဲ့ ရှာရွတ်ခန်း၊ Aamir Kham ၊ ဂျက်ကီချန်း၊ တွမ်ဟန့်၊ Mr. Bean၊ စတားလုံး စတဲ့ အနုပညာရှင်များအကြောင်းကို ရေးသားထား တဲ့စာအုပ်ဖြစ်ပါတယ်။

စာအုပ်ထွက်ကတည်းက လူကြိုက်များတဲ့စာအုပ်ဖြစ်ပြီး အွန်လိုင်းမှာလည်း လူမေးများတဲ့ စာအုပ်တစ်အုပ်ဖြစ်ပါတယ်။ ယခု The Book Service တွင် မှာယူရရှိနိုင်ပါပြီ။

မောင်မိုးသူ မာဖီးယားနှင့်ပေါ်ပီပန်း
5000 Ks
Item Code

မောင်မိုးသူ

မာဖီးယားနှင့်ပေါ်ပီပန်း

စာအုပ်တန်ဖိုး + ပို့ခ = ၅၀ဝ၀ ကျပ်

------------------------------------------------------

ယခုစာအုပ်သည် အမေရိကန်စာရေးဆရာ (Robert Wilder)၏ (Fruit of The Poppy ) ဝတ္ထုကို မြန်မာပြန်ထားခြင်းဖြစ်ပါသည်။

အမေရိကန်နှင့် မက္ကဆီကို နယ်စပ် ဘိန်းမှောင်ခိုလုပ်ငန်း အရှုပ်တော်များ အကြား လှလှပပ ဇာတ်အိမ်တည်ဆောက်ရေးဖွဲ့ထားတဲ့ အလျှို့ဝှက်ဆုံး ဇာတ်လမ်းတစ်ပုဒ်ဖြစ်ပါသည်။

ဥရောပ ဒီမိုကရေစီနိုင်ငံကြီးတွေမှာ ထွန်းကားကျယ်ပြန့်လျက်ရှိသော မူးယစ်ဆေးဝါး ဈေးကွက်အတွင်းရေးများနဲ့ မာဖီးယားတွေရဲ့ နိုင်ငံရေးကစားမှုအကြောင်း နောက်ကွယ်ဖြစ်ရပ်များကို ဖော်ပြထားပါသည်။

ယနေ့ခေတ်တွင် ကမ္ဘာ့အကြီးမားဆုံး ဘိန်းဖြူထုတ်လုပ်ရာ ရွှေတြိဂံဒေသသို့ ဘိန်းစိုက်ခင်းများ ရွှေ့ပြောင်း ရောက်ရှိလာပုံနှင့် ဆက်စပ်နောက်ခံသမိုင်းအချက်အလက်များ ကိုရေးသားထားသည့် စာအုပ်တစ်အုပ်ဖြစ်ပါသည်။ ၂၀၁၇ ခုနှစ်၊ ဇွန်လ အတွင်းက ရန်ကုန်လမ်းမများစာအုပ်တိုက်က ထုတ်ဝေထားပြီး စာဖတ်ပရိသတ်များကို The Book Service မှ ပြန်လည်တင်ဆက်ပေးသည့် စာအုပ်ကောင်းတစ်အုပ်ဖြစ်ပါသည်။

ဝင်းဖေဝင်း သမ္မတကြီးကို ပြောလိုက်ရမလား
4500 Ks
Item Code

၀င်းဖေဝင်း

သမ္မတကြီးကိုပြောလိုက်ရမလား

စာအုပ်တန်ဖိုး + ပို့ခ = ၄၅၀ဝ ကျပ်

----------------------------------------------

ဆရာဝင်းဖေဝင်း ဘာသာပြန်ထားတဲ့ သမ္မတကြီးကို ပြောလိုက်ရမလား

စာအုပ်သည် ၁၉၈၄ ခုနှစ်၊ သြဂုတ်လတွင် ပထမအကြိမ်ထုတ်ဝေခဲ့ပါသည်။

ပထမအကြိမ်ထုတ်ဝေစဉ်ကာလက ဆင်ဆာအခြေအနေကြောင့် သမ္မတကြီး ဆိုသည့် စကားလုံးကို ထည့်ခွင့်မရခဲ့ပါ။ယခုတစ်ကြိမ် ပြန်လည်ထုတ်ဝေမှသာ သမ္မတကြီး ဆိုသည့် စကားကို ပြန်လည်ထည့်သွင်းထားခြင်းဖြစ်ပါသည်။

မူရင်းစာရေးသူကတော့ Jeffry Archer ဖြစ်ပြီး Shall we tell the president ဆိုသည့်စာအုပ်ကို ဘာသာပြန်ထားခြင်းဖြစ်ပါသည်။

Jeffry Archer ရဲ့စာအုပ်တွေကတော့ ဘာသာပြန်စာဖတ်ပရိသတ်အတွက် အထူးမိတ်ဆက်ပေးစရာမလိုတော့ပါဘူး။ ဆရာမောင်ပေါ်ထွန်း ဘာသာပြန်ထားတဲ့ ကမ္ဘာ့ရန်(Kane and Abel) စာအုပ်၊ ဆရာ အထောက်တော်လှအောင်ရဲ့ သမီးတစ်ကောင် နွားတစ်ထောင်စာအုပ်နှင့် မပိုကြေးမလိုကြေး ( Not a Penny More, Not a Penny Less) စာအုပ်တွေ ဟာလည်း ဘာသာပြန်လောကမှာ အထူးထင်ရှားတဲ့ စာအုပ်တွေပဲဖြစ်ပါသည်။ ယခု သမ္မတကြီးကိုပြောလိုက်ရမလား စာအုပ်ကလည်း Jeffry Archer ရဲ့ စာအုပ်တွေအတိုင်း လက်ကမချနိုင်လောက်အောင် ဆွဲဆောင်နိုင်တဲ့ စာအုပ် ကောင်းတစ်အုပ်ဖြစ်တဲ့အတွက် ပြန်လည်ထုတ်ဝေလိုက်ခြင်းဖြစ်ပါသည်။

မူရင်းစာအုပ်ကို ၁၉၇၇ ခုနှစ်မှာ ထုတ်ဝေထားပြီး ကမ္ဘာ့ရောင်းအားအကောင်းဆုံး စာအုပ်လည်းဖြစ်ပါသည်။